نصائح الشتاء..
لشتاء كله مناعه وصحه قوية 💪🏻
بوست مهم جدا..
1- اوعي تقولي قدام ولادك ان مناعتهم ضعيفه.. اوعي تقولي كده اصلا.. دي اسمها برمجة.. وعقل وجسم ولادك بياخذوا منك الكلمه ويحولوها لواقع.. حتى لو شايفه مناعتهم ضعيفه ماتقوليش كده
2- الأكل اللي بيرفع المناعه موجود بوفره حوالينا وبيفرررق
شوربة الفراخ.. الفلفل الملون .. البرتقال والموالح.. العسل طبعا.. وحاجات كتير لازم تكوني عارفاها
3- قوانين الاستحمام في الشتااااء🏁🏁🏁
*بلاش حمى قبل النوم وبلاش النوم و الشعر مبلول او مندي..
نخليها امتى ؟
خليها بعد المدرسه على طول ده اسهل شيء.. او لو قلبك جامد وبقيتي متمكنه اوي يعني فالاصح علي الاطلاق الشاور الصبح قبل المشاوير والمدارس.. يستحموا وينزلوا كده في السقعه.. اه عادي والله.. اللي بيتعود عليها نادرا ما بياخد برد اصلا
صعبه صح.. احنا اصلا بنصحى نعمل ساندويتشات بالعافيه.. خلاص خليها بعد المدرسه 😂
* دي اهم نقطه ناس كتير ماتعرفهاش
في اخر 10 دقايق من الشاور ننزل الحرارة تدريجي لحد مانوصل لاقل درجه ممكنه.. لو نزلت تدريجي الولاد مش حتضايق بالعكس حيحبوها جدا.. ركزي معايا
نزليها درجه او درجتين بالكتير لحد ماتحسي ان الجسم اخد عليها والجسم نفسه حرارته نزلت ..
ونزليها تاني درجه او درجتين لحد ما الجسم ياااخد عليها تاني ..
وهكذا مره ورا مره لحد ماااااا توصلي لاقل درجه ممكنه .. اه اللي هي ساقعه خاالص دي
جمدي قلبك.. صدقيني بتفرق في المناعه جدا
لو صعب اوي ممكن تغسلي وشهم في الاخر بس بمايه الحنفيه
بحرارتها البارده كما هي.. ده لااازم
ليييييه؟
الصدمة من السخن للبارد حتى لو البيت مقفول كويس هي اللي بتضعف المناعه
الفكره ان الجسم معندوش مروووونه يتأقلم بسرعه بين درجات حرارة مختلفه ده اللي بيجيب البرد ببساطه
*وانتي بتنشفي الولاد خليهم يقفوا علي سجاده او فوطه وبعد مايلبسوا القطع الاساسيه تبدأي تفتحي باب الحمام او الشفاط حاجه بسيييطه مهم جداااا تقربي درجه حرارة الحمام والجسم لدرجة حرارة بره الحمام علي قد ماتقدري..
مايطلعوش والحمام لسه سخن والمرايات مشبره ارجوووكي
الدنيا مطارتش 🤦🏻
* حاولي تنشفي الشعر كويس خصوصا للبنات (تنشفيه بالهواء فقط مش تعمليه سيشوار انا عارفه البنات وتلكيكها 💃)
4- شرب المياه بوفرررره ومش حوصيكي المشروبات السخنه.. فين السحلب والكاكاو والحاجات الحلوه دي 😍
5- في البرد اكتر حاجه بتساعد الاطفال علي النوم (خصوصا البيبيهات) هو تدفئة الاذن والقدمين..
ايووووه الودان
البيبي خديه في حضنك وحاول تدفي ودنه بايدك حينام اسرع
والاطفال الاكبر سنا هاتيلهم لو تقدري دفايات الاذن.. وهاتي لنفسك حتحبيها 😂
6- الرياااضه والسباحه.. اعرف ناس كتير بتبطل سباحه في الشتاء.. والله والله والله.. السباحه في الشتاء بترفع المنااااااعه جدا مش العكس.. وبعدين دول بقوا بيدفوا المايه دلوقتي..
فين الجيل اللي كان بينزل المايه وهي تلج.. المجد لهم ✌🏻 المجد للمكافحين 😂💪🏻
اسألوا الناس المنتظمه سباحه طول السنه وشوفوا الفرق
ليست هناك تعليقات:
إرسال تعليق