استمتعى بحياتك

بصى , افهمى انه مش المفروض انك ’’ تتنافسى ’ مع حد فى الحياه .اتعلمى ازاى ( تستمتعى ) بالحياه , وببساطتها وجمالها وكل شيئ بتحبيه حواليكى .دا صحى اكتر ليكى وللى بتحبيهمالمشكله انه ’ المجتمع ’ بطريقه ما بيزقك انك تدخلى فى ( منافسه ) ما فى كل مرحله فى حياتكمنافسه فى الدرجات فى الابتدائيه .منافسه فى الترتيب فى الاعداديه والثانويه .منافسه فى الكليه ومركزها الاجتماعى اثناء الدراسه الجامعيه .منافسه فى انك تكونى ’ ام ’ افضل وزوجه بتاخد ( نجمه ) كل يوم من جوزها .منافسه انك تحافظى على انوثتك بعد ما تخلفى ال3 عيال .وبعدين منافسه مع الاخرين علشان تكونى ام معطائه وحنونه وجدعه مع اولادككلها منافسات غير منطقيه وغير شريفهلانه الى بيحط ( قواعد ) اللعبه هما الاخرين او ’ الناس ’ وكلامهم زى ما بتتلقنيه من سن صغير( كلام الناس ) دا بطريقه ما هيتحول للقوانين الى المفروض تتنافسى فيه انتى والاخريات من اصدقائك على تستحقو ( النجمه ) الى هتاخديها فى اواخر حياتك .وبعدين تاخدى الصدمه بقى فى اواخر عمرك لما تسمعى الجمله دى من المقربين ليكى ( مكتنيش عملتى كذا كذا ) او ’’ ايه الى مخليكى استحملتى الراجل دا كل السنين دى كلها ؟! ’’ او بنت او ابن مش هيفهم تضحيتك ويقولك ( ياريتك كنتى انفصلتى وريحتينا ) وكمان حتى مع تعبك هتلاقى المجتمع اخد منك ( النجمه الوهميه ) الحقيره دى ويقولك ( اصل فلانه عملت اكتر ودخلت اولادها كليات احسن وجوزها راضى عنها اكتر وبتعرف تطبخ )اه والله متتصدموش هتلاقو احيانا ( النجمه ) دى من نصيب البنات الى بتعرف تطبخ , مش لانها بتحب الطبخ وشايفاه فن وعشق ووسيله تعبير عن حبهالأ , لأنها هتعرف تملى ( كرش ) جوزها الجعان الى مش هيفكر غير فى كرشه * وحاجات تانيه لا داعى لذكرها .بس المهم ان الحاجتين دول هى بتعرف تخليه مبسوط فيهم كويس , بغض النظر عن استمتاعها هى بالحياه او باى شيئ اخر .اتعلمى ازاى ’ تستمتعى بحياتك ’ شويه , ومتدخليش منافسه مع حد .سواء قريبه او غريبه او حتى جارتك الى ابنها دخل كليه ما اعلى من ابنك - صدقينى لو بصيتى كمان 10 سنين مجموعه فى الثانويه هيكون مجرد رقم هيضحك عليه لو سمحتيله يطارد شغفه وينجح فى الى بيحبه مهما كان ( خطر ) ومش مقنع بالنسبه لك .

اخرجى من منافسه ’ البنت المؤدبه الكيوت الغلبانه ’ الى مش فاهمه حاجه فى الحياه دى علشان تاخدى ’ نجمه ’ من المجتمعلانه وقت ما هتقعى فى مشكله , اول ناس هتتهمك ’ بالعجز ’ وقله الحيله والضعف هما الناس الى حطوكى اصلا فى المنافسه دى .و guess what , اول ما هتقعى فى مشكله الكل هيسيبك لاننا مجتمع فيه السيئه بتخص والحسنه بتعم .واتعلمى ازاى تستمتعى بنجاحك البسيط فى حياتك اليوميه .بصى حتى لو زوجه وقدرتى تغيرى اللمبه او تصلحى الحنفيه او حتى عرفتى تعملى قطعه ديكور خلت الريسبشن شكله اجمل .- احتفلى بدا برضو .اعملى حاجه لنفسك بتحبيها مكافأه على الانجاز البسيط الجميل دا .اتعلمى تسيبلهم (اللعبه ) والنجمه ليهم هما , متقارنيش نفسك بالاخرين لمجرد انك تشوفى هل انتى ’ اكثر او اقل انوثه ’ منهم .. انتى انثى زى مانتى بطبيعتك وفطرتك وغريزتك وجمالك واحلامك ودماغك وذكاءك مهما كان كامله بنواقصكاتعلمى تسيبلهم ’ المقارنات ’ والبسى الهاند فرى واسمعى مزيكا بتحبيها طالما مستمتعه بالشيئ البسيط الى بيعجبك وبيخليكى مبسوطه .اتعلمى حتى لو اخدتى ’ النجمه ’ تفهميهم وتقوليلهم ’ انا عملت دا علشان انا بحبه مش علشان نجمه تجرجرونى فيها لمنافسه قذره الكل فيها بطريقه ما خسران ’’ ..اتعلمى ’ تبسطى ’ الى بتحبيهم حتى بابسط الحاجات , اتعلمى تبسطى نفسك كمان بابسط الحاجات زى ما يعجبك .اتجوزى الى بتحبيه وبيحبك وشاريكى لاخر نفسك فيه مهما كان المجتمع مش راضى عنه .وارفضى الى مش مرتحاله مهما كان الضغط عليكى حتى لو الكل بيشيد بيه , افتكرى انك انتى الشخص الى هينام فى ’ حضنه ’ كل يوم مش هما .لانه لو هتاخدى منى كعويس نصيحه النهارده هتبقى انى مقابلتش اى ام او زوجه فى اواخر حياتها والا ندمت على حاجات وقرارات ماخدتهاش فى سن صغير علشان تاخد او تحافظ على ’ النجمه ’ ولما كبرت ومبقاش فى ايديها شيئ تقدمه المجتمع بكل قسوه اخدها منها وبتكتشف انها ضيعت عمرها كله بتحاول تنافس الاخرين ولسه بتتعلم ازاى تستمتع بحياتها .

Share: