كبرت وعرفت
إن مهما كنت كويس مع الناس هتلاقي العكس منهم .
كبرت و عرفت ان وقت الزعل كل حاجه بتتغير.
كبرت و عرفت ان مفيش حد بيحب يشوف حد أحسن منه .
كبرت وعرفت انى على قد العشم لازم اتوقع ان الخازوق ممكن ييجي من اكتر حد اتعشمت فيه .
كبرت وعرفت ان طعنات القريبين بتكون أخطر عشان بتيجي من مسافات قريبه.
كبرت وعرفت ان اللي ليه مصلحه معينه بيحارب الدنيا كلها وبيتيح الغلط علشان في الآخر يوصل للي هو عايزه .
كبرت وعرفت ان الخال مش والد وإن مافيش حد بيسند حد.
كبرت وعرفت ان لو ماكنتش هسند نفسي بنفسي هقع وتنكسر رقبتي.
كبرت وعرفت ان مافيش حاجه ولا حد يستاهل انى ازعل علشانه واني لازم أكون قوى علشان خاطر نفسي .
كبرت وعرفت إن الكلمة الحلوة بتعمل كتير ، وإن الزعل ممكن يهّون لو معاك اللى يخفف عنك ده،
كبّرت وعرفت إنه ماينفعش أوقف حياتي علي حاجة، وإن اللي معايا النهاردة بكره ممكن مانعرفش بعض تاني من غير سبب، كبّرت وعرفت إن لازم نبعد عن الزحمة، ومعرفتنا تبقي ب عدد قليل ، وننقيهم كويس .. كويس جداً ،
كبرت وعرفت إني ماينفعش أنبهر من أول قاعدة ولا من أول كلمة ،
كبرت وعرفت إني لازم أقفل علي نفسي ، وإن الضربة اللي بتكسر وبتطول بتقوي وبتطلعني واحد تاني .. قوي - صابر - قريب اكتر لربنا - مفلتر نفسى،
كبّرت وإستحملت وعرفت إنه ماينفعش أرضي بالقليل ، وإني اعاتب في الوقت اللي أحس فيه أني محتاج أعاتب ، كبرت ولسه هكبّر ولسه هعرف إني لازم أتعلم ومزعلش !
كبّرت وعرفت إني مش شرط علشان بعامل الناس حلو ف هتعامل حلو ، وإني لما أحب هتحبّ بنفس المقدار ، كبرت وعرفت إن كل واحد ماينفعش يستني المستحيل وهو معملش حتيّ المُمكن ، كبرت وعرفت إن العلاقة مبتستمرش مع المشاكل وكتر الخناااق ،
كبرت وعرفت إن الكلام ساعة الخناق بيزود المشكلة الضِعف ، كبرت وعرفت انك لازم تلتزم حدودك وتعرف اخرك فين حتى مع اقرب الناس ليك ومتطلبش الحاجه مرتين غير من ربنا وانك تتنازل عن حقك حتى لو مره فده معناه انك هتتنازل علي طول
، كبرت وعرفت إني ماينفعش أبقي حد تاني غيري ، وماينفعش يبقي جوايا كلام ومقولوش في لحظتها ،
كبرت وعرفت إن محدش بيتأذي في الزعل غيري ، كبرت وعرفت واتعلمت ولسه مع الوقت والزمن هتعلم اكتر
كبرت واتعلمت ازاى اعرف اعيش وما اقفش
كبرت وعرفت إن 90% من راحة البال في إهمال الناس ورأيهم .. كده كده عمرك ماهاتعجب الناس كلها .. لا اللي هاتعجبهم هاينفعوك بحاجة .. ولا اللي مش عاجبهم هيقدروا يعملوا معاك حاجة طول ما أنت صلب بالعكس هيحاولوا يتقربوا منك..
كبرت وعرفت إن الأهم من إننا نقابل إللى نتفق معاه، هو اننا نلاقي إللي نعرف نختلف ونتعارك معاه ونطلع عين بعض بس ف الأخر مانخسرش بعض 💙😇🌍
كبرت وعرفت إن في أخر المطاف جايز مابنلاقيش اللي إحنا كنا عايزينه .. بس بنلاقي الأهم .. اللي إحنا محتاجينه.
ليست هناك تعليقات:
إرسال تعليق